Vasif Talıbovun oğulları Gürcüstanda milyonlarla sərvətə necə yiyələnib? - ARAŞDIRMA

[+S.T.A.L.K.E.R 26,570]

Türkiyəli biznesmen Emin Uçar Azərbaycanın Naxçıvan eksklavında sərvət qazanıb. Yeni sənədlər və müsahibələr onun Naxçıvanı 27 il idarə etmiş Vasif Talıbovun ailəsinə bağlılığını, onun əlaltısı olduğunu üzə çıxarıb. Araşdırmaya görə, Türkiyə vətəndaşı Uçar son illər Gürcüstanda 270 milyon dollarlıq biznes və mülkiyyət imperiyası qurub. Onun şirkətinin Fransanın Accor şirkətilə birgə idarə etdiyi üç otel də bu sıradadır. OCCRP Uçarın Vasif Talıbov və ailəsini təmsil etdiyini, onun şirkətlərinin Talıbov ailəsinə bağlı böyük holdinqlərlə açıq əlaqələri olduğunu qeyd edir. Uçarın vəkilləri onun sərvətini istiqrazlardan qazandığını desələr də, biznesmenin idarə etdiyi şirkətlər Azərbaycanda dövlət kontraktları əldə edib. Araşdırmada deyilir ki, Gürcüstan paytaxtı Tbilisidə opera binası yaxınlığındakı “Dinehall” restoranı, Fransanın Accor şirkəti ilə birlikdə tikilən beşulduzlu otel Uçarın biznes imperiyasına daxildir. Accor-dan OCCRP-yə bildirilib ki, Uçarın Talıbovlarla iddia olunan münasibətləri fonunda Uçarla əlaqələrə yenidən baxılır. “Azərbaycanın Şimali Koreyası” adlandırılan Naxçıvanda Talıbov idarəçiliyi dövründə çoxsaylı insan haqları pozuntularının baş verdiyi bildirilir. Naxçıvanda müstəqil media susdurulub, dissidentlər psixiatrik klinikalara salınıb, saxlananlar döyülüb, digər işgəncə növlərinə məruz qalıb. Araşdırmaçı jurnalistlər indi isə Talıbovun holdinqlərinin çoxunun Emin Uçarın şirkətləri tərəfindən maskalandığını ortaya qoyublar. Azərbaycanda “Gəmiqaya”, Gürcüstanda “Maqro Group” kimi şirkətlərin daxil olduğu şəbəkə 2000-ci illərin əvvəllərindən Azərbaycanda onlarla dövlət kontraktı əldə edib. Hazırda “Gəmiqaya”nın sahibliyi məsələsi qaranlıq qalır. Talıbov istefa verəndən bir həftə sonra Gəmiqaya-nın adı dəyişdirilərək “Arkoz” olub. Bu isə Emin Uçara bağlı başqa bir şirkətin adıdır. Uçarın vəkili onun “nə keçmişdə, nə də indi özündən başqa kimsənin biznesi üçün” saxta təmsilçilik etdiyini, həmişə qanuni davrandığını bildirib. O, biznesmenin investisiyasının banklardan gələn faizlərdən qaynaqlandığını vurğulayıb.

[+Murad Ali 12,780]

 

[+Sirius191 6,957]

 

SӘSSIZCӘ ...  😌

 

аtanin vasidәsi ilә