“Oğlum “narkobarondur”, mən də zibillikdə dəmir yığıram”, - oğlu İrana casusluqda ittiham olunan ata

[+S.T.A.L.K.E.R 29,160]

Bakının Binə qəsəbəsində yaşayan Hacıyevlər ailəsinin iki üzvü bu ilin martında kütləvi miqdarda narkotik vasitələri əldə etmə, saxlama və satma ittihamı ilə həbs edilib. Ailə deyir ki, onların oğlu və yeznəsini polis eyni gündə aparıb və uzun müddət onlardan xəbər ala bilməyiblər. Rəhmət Hacıyev deyir ki, özü tullantılar arasından dəmir yığıb gününə 15 manat pul qazanır və indi bu qazancla körpə uşaqlar da olan iki ailəni dolandırmalıdır. Oğlunun və kürəkəninin həbsindən üzülən ata deyir, üstəlik kommunal xərclər, dolanışıq qayğıları onun belini büküb. Apreldə polis tərəfindən tutulan Ruslan Əliyevin xanımı da deyir ki, onun həyat yoldaşını kütləvi miqdarda narkotik vasitələri əldə etmə, saxlama və satma maddəsi ilə həbs ediblər. Rəna xanım deyir ki, onun həyat yoldaşı pianino müəllimi olub, pianino təmirindən gündəlik çörəkpulunu çıxarıb. Rəna xanım deyir ki, həyat yoldaşı həbs olunandan sonra yerli mediada onun və başqalarının görüntüləri yayılıb və onlar İrana casusluqda ittiham olunublar. Həbs olunanların və hüquq müdafiəçilərinin iddiaları barədə suallarımızı Daxili İşlər Nazirliyi, Baş Prokurorluq və Dövlət Təhlükəsizlik Xidməti suallarımızı cavablandırmayıb. Azərbaycan hakimiyyəti vaxtaşırı bəyan edir ki, əməlində cinayət tərkibi olmadığı hada heç kim cinayət məsuliyyətinə cəlb edilmir.