Türkiyədə meşə dirənişi: kəndlilər və ekofəallar jandarmaya qarşı

[+S.T.A.L.K.E.R 29,133]

Türkiyədə Muğlanın İkizköy məhəlləsinə bağlı Akbelendə ağacların kəsintisini həyata keçirən şirkəti qoruyan jandarma qüvvələri və meşənin məhvinə etiraz edən kəndlilər arasında qarşıdurma davam edir. Kəndlilərin köməyinə vaxtaşırı ekofəallar, siyasi fiqurlar, deputatlar da gəlirlər. Əslində, meşə sahəsinin məhv edilib, mədənin genişləndirilməsinə qarşı dirəniş illərdir çadır növbəsi formasında davam edirdi. 24 iyul səhər saatlarında polis və hərbi qüvvələr əraziyə yeridilib, dirənişçilər zorla ərazidən uzaqlaşdırılmağa çalışılıb. Bundan sonra başlayan qarşıdurma kəndlilərin dirənişi ilə bu gün də davam edir.

[+S.T.A.L.K.E.R Topic Author 29,133]

Akbelən meşələrini qorumaq üçün aksiya keçirən kənd əhalisinə Türkiyənin paytaxtı Ankaradan Zəfər partiyasının sədri Ümid Özdağ da dəstək göstərərək layihənin təşkilatçı şirkəti qarşısında media mənsublarına açıqlama verib.