200 manat maaş, 79 milyon manat vergi borcu - yalnız Azərbaycanda

[+Arximed 11,305]

Ayda 200 manat maaş alır – 79 MİLYON MANAT VERGİ BORCU VAR – AZƏRBAYCANDA

Quba rayonundakı Babayevlər ailəsi Azərbaycanın tarixində ən böyük vergi ödəyicilərindən ola bilər, əgər adlarına olan nəhəng vergi borcunu ödəsələr.  FED.az xəbər verir ki, Elxan və Nail Babayev qardaşlarının nə az, nə çox, düz 81 milyon manat vergi borcu var. 

Amma maraqlıdır ki, onlar bu borcun necə yarandığından xəbərsiz olublar. Adında 79 milyon manat vergi borcu olan 1985-ci il təvəllüdlü Elxan Babayev ayda 200 manata gözətçi işləyir. Qardaşı Nail isə ümumiyyətlə işsizdir.

Babayevlər ailəsi Qubanın Nüqədi kəndində yaşayırlar. Elxan Babayev belə böyük vergi borcunun olduğunu 2 il əvvəl bilib: «2017-ci ilin martın 21-də məni Nüqədi bələdiyyəsinə çağırıb dedilər borcun var, səni axtarırlar, ödəmək lazımdır. Vergilər idarəsinə yaxınlaşdım, dedilər sizin 79 milyon manat borcunuz var. Ona qədər mənim heç nədən xəbərim yox idi». 

Artıq dəqiqdir ki, Elxan Babayevin və qardaşının sənədlərindən istifadə edərək şirkətlər yaradıblar və biznes quraraq vergidən yayınıblar.

Bir qədər sonra Elxanın qardaşı Nail Babayev də vergiyə çağrılıb və məlum olub ki, onun da böyük vergi borcu var: «Sonra qardaşıma zəng gəldi. Dedilər sizin vergiyə borcunuz var. Onda azdır, «cəmi» 2 milyon manat». Beləliklə Babayevlər ailəsi hazırda dövlətə 81 milyon manat borcludur. 

https://www.fed.az/az/biznes/ayda-200-manat-maas-alir-79-milyon-manat-vergi-borcu-var-azerbaycanda-64352?fbclid=IwAR26vBpTJDhF0ZtKOVkx2BMj-XlmCv8qB_oV79hXWUW7aEbZ3X50q_24Fhc