Ветеран войны попытался убить себя - ВИДЕО

[+S.T.A.L.K.E.R 28,263]

Fevralın 9-da Vətən müharibəsi iştirakçısı 26 yaşlı Goranboy sakini Sərdar Həsənov Rayon İcra Hakimiyyətinin qarşısında özünü yandıraraq intihara cəhd edib. Onun bu cəhdinin qarşısı alınıb və Sərdar Həsənov yanıq xəsarətləri ilə xəstəxanaya yerləşdirilib. Onun bu addımına səbəb isə yenicə tikdiyi evinə elektrik enerjisi, qaz və su xəttinin çəkilməməsi olub. Baku TV-nin əməkdaşları qazinin evində olub, valideynləri ilə görüşüb. Qazinin atası Rüstəm Həsənov bildirib ki, oğlu 2 azyaşlı övladı ilə yaşamaq üçün bir otaqlı ev tikib. Amma övladı dəfələrlə aidiyyəti qurumlara müraciət etsə də, onun problemini həll edən olmayıb. Sərdar Həsənovun qohumları onun belə addım atmasının səbəbini ailəsindən, övladlarından uzaq düşməsi, çətin şəraitdə yaşaması ilə əlaqələndirir. Yeni tikilən evdə kommunal xidmətlər olmadığından Sərdar həyat yoldaşı və uşaqları ilə ata evinə qayıtmalı olub. Baş verənlərlə bağlı Rayon İcra Hakimiyyətindən hər hansı məlumat öyrənmək mümkün olmayıb. Çəkiliş aparılan zaman isə “Azərsu” ASC-nin əməkdaşları texnikalarla birgə qazinin yaşadığı küçədə su probleminin həlli üçün işlərə başlayıb.