Əlillər günü ilə bağlı Sosial Müdafiə Nazirliyi qarşısında aksiya

[+S.T.A.L.K.E.R 27,529]

Əlillər günü ilə bağlı Sosial Müdafiə Nazirliyi qarşısında bir qrup əlil vətəndaş aksiya keçirib.

[+Dance 2,974]

Почему 2 группа 180 ман?

[+S.T.A.L.K.E.R Topic Author 27,529]

Hər il dünyada dekabrın 3-ü Beynəlxalq Əlilliyi olan Şəxslər Günü kimi qeyd olunur. Bu gün bir qrup şəxs Əmək və Əhalinin Sosial Müdafiəsi Nazirliyi önündə etiraz edib. Etirazçılar onlara ödənilən təqaüdlərin azlığından gileyləniblər. Polis vətəndaşların bir hissəsini nazirliyin vətəndaşların qəbulu şöbəsinə aparıb. ƏƏSMN-dən isə Toplum TV-nin sorğusuna cavab olaraq bildirilib ki, şikayətçilərin müraciətləri dinlənilib, onlara qanunvericilik çərçivəsində izahatlar verilib. Qeyd etdikləri problemlər isə araşdırılacaq.

[+S.T.A.L.K.E.R Topic Author 27,529]

Beynəlxalq əlillər günü ilə bağlı “Əlilliyi olan şəxslər və inklüziv əmək bazarı” mövzusunda konfrans keçirilib. Əlilliyi olanların hüquqlarını müdafiə edən Məhəmməd Kekalov yada salır ki, qanuna görə əlilliyi olanların işlə təmin olunması üçün bəzi müəssisələrdə kvota ayrılıb, amma praktikada işə götürənlər kiçik məbləğdə cərimə ödəməklə bu məsuliyyətdən azad ola bilir. Sosial sahibkarlıqla məşğul olan Kəmalə Sultan müəllimlik üzrə təhsil almağına baxmayaraq, təhsil müəssisələrində əlilliyi olan şəxslər üçün infrastruktur qurulmadığından öz ixtisası üzrə işləyə bilməyib. Məhəmməd Kekalov həmçinin bildirir ki, əlilliyi olanlar işlə təmin olunmasa, dövlətin pensiyasının ümidinə qalır. Bu da ehtiyaclarını qarşılamaq üçün yetərli olmur. Rəsmi statistikaya əsasən Azərbaycanda 600 mindən çox əlilliyi olan şəxs var. Məhəmməd Kekalov hesab edir ki, bu rəqəm pensiya alanların sayına görə müəyyənləşir. Reallıqda isə ölkədə əlilliyi olan şəxslərin sayı rəsmi statistikadan çoxdur.