Qazi maşını bir neçə il yolun əks istiqaməti ilə sürdü, 68 min manat cərimə gəldi

[+S.T.A.L.K.E.R 27,524]

Bu gün "Müstəqil Nəqliyyatçılar" İctimai Birliyi tərəfindən “World Busines Center”də nəqliyyat vasitələri idarə edən müharibə iştirakçılarının problemləri ilə bağlı tədbir keçirilib. Tədbirdə qazilər, deputatlar, DİN Baş Dövlət Yol Polisi İdarəsinin, Əmək və Əhalinin Sosial Müdafəsi Nazirliyinin, İcbari Sığortalar Bürosunun nümayəndələri iştirak edib. Nəqliyyat eksperti Elməddin Muradlı nəqliyyatda qazilərlə bağlı bir çox problemin olduğunu bildirib. Bəzi hallarda ruhi-əsəb dispanserində qeydiyyatda olanların belə sürücülük vəsiqəsi daşıdığını deyən ekspert, bunu qurumlar arasında məlumat mübadiləsinin aparılmaması ilə əlaqələndirib. Nəqliyyat eksperti bəzi qazilərin hətta minlərlə manat cəriməsinin olduğunu vurğulayıb. Elməddin Muradlı cərimələr məsələsini müzakirəyə çıxarmaqla qazilərə güzəştlər olunmasına ümid etdiklərini qeyd edib.