Sakinlər sökülmüş evlərinin önünə yorğan-döşək atdılar

[+S.T.A.L.K.E.R 27,526]

Azadlıq prospekti 104, mənzil 23 ünvanında yaşayan Rzayevlər ailəsi vaxtilə sökülmüş evlərinin həyətində etiraz aksiyası keçiriblər. Danışırlar ki, yaşadıqları həyət evi 2021-ci ilin oktyabrında Olympus park şirkətlər qrupu tərəfindən sökülüb. O zamandan bəri ailə evsiz-eşiksiz qalıb. Sakinlərdən biri Rzayeva Rahilə deyir, vaxtilə bu evdə iki ailə, ümumilikdə 8 adam qeydiyyatda olub. Indi iki ailənin əllərində qalan tək şey bu yorğan-döşəklərdi. Sökülmüş divarların arxasından səbir etmək isə artıq dözülməz hala çevrilib. Nəsimi rayonu icra hakimiyyətindən bildirilib ki, Olympus park şirkətlər qrupu mənzil sahiblərinə kompensasiya daxil 210 min manat pul təklif edib. Əgər ailənin kompensasiya ilə bağlı narazılığı varsa, hüquqi müstəvidə məsələni qaldıra bilərlər. Şikayətçilərsə sökülən evlərinin əvəzinə yeni evlə təmin olunmalarını tələb edirlər. Olympus park şirkətlər qrupunun rəhbəri Rafael Qarayevdi. Şirkətin adı mediada qanunsuz əməllərin törədilməsi iddiaları ilə hallanır. Yayılan xəbərlər şirkətin onlarla iş adamlarının aldadılmasına və onların sərmayələrinin mənsimsənilməsinə yönəlib. Hazırda "Olympus park”a bir neçə cinayət işi açılıb. Sözügedən şirkət Prezident Administrasiyasına şikayət olunan şirkətlər sırasındadır. Evləri sökülən Rzayevlər ailəsinin şikayəti ilə bağlı şirkətin rəhbəri Rafael Qarayevdən mövqe almaq mümkün olmayıb 

 

 

Edited June 14, 2023 at 03:59 PM by S.T.A.L.K.E.R