Qazaxda satıcılar bazar rəhbərliyinin özbaşınalıqlarından şikayətlənirlər

[+S.T.A.L.K.E.R 27,528]

Qazaxın mərkəzi bazarı rayonun ortasında yerləşir. Bazarın içi bol məhsulla dolu olsa da, satıcılar alıcı qıtlığından şikayətlənir, alıcılar isə qiymətlərin baha olmasından. Artıq yorulmuşam danışmaqdan. İş yeri yox, aylıq yox. Mənim 60 yaşım var, hara müraciət edirəm, “yaşın çoxdur” deyirlər, amma təqaüdə də çıxartmırlar. 3 uşaq anasıyam, necə dolandırmalıyam ailəmi? Məcburiyyətdən bazara çıxırıq. Uşağımıza gündəlik çörəkpulu lazımdır. Alıcılıq qabiliyyəti yoxdur. Həmişə gəlib 5 kilo alan indi 1 kilo alır. Onunla mən nə qazanım? Qazax bazarına, sadəcə, balıq və gündəlik ərzaq məhsulları almağa gələn Məhərrəm Göyüşoğlu da bahalıqdan gileylənir. Onun kimi rayonun çox sakinlərini də bazarlarda artan qiymətlər narahat edir. Son dövrlər hər şeydə artım var, amma yay sezonu olduğundan tərəvəzlərdə də çoxalma var. O qədər də faciəli deyil, amma alıcılıq qabiliyyəti əvvəlki illərə baxanda aşağıdır. Həmsöhbətimiz olan satıcılar bazar rəhbərliyinin özbaşınalıqlarından şikayətlənirlər. Onların sözlərinə görə rəhbərlik digər satıcılardan artıq pul alaraq bazarın girişlərində onlara yer verir, bu da bazarın içində olan alverçilərin satışına təsir edir. Alıcı bazara girməmiş malını çöldən alıb qayıdır. Bazar çöldədir, içəridə alver getmir. Malımızı alırıq, hamısı qabağımızda qalır. Alıcılıq qabiliyyəti yoxdur, 15-20 zəmbil malımızı günlərlə soyuducuya qoyub çıxardırıq, alan yoxdur. Bazar nəzarətçisi isə ittihamların əsassız hesab edir, bazarın çöl hissəsində yer verdikləri şəxslərin qazi, şəhid ailələri olduğunu bildirir. Bazarın çölündə alver edənlər qazi ailələri, şəhid analarıdır. Xoş rəftarla onları yerləşdiririk. Hərəsi 5-10 göy gətirir satmağa. Biz də imkan yaradırıq satsınlar.