Zəmanə Adamı

[+Bodriy 25,745]

Nuri-çeşmanımmısan, ey pul, ya canımmısan?

İsmətim, namusum, irzim, qeyrətim, qanımmısan?

Hörmətim, fəxrim, cəlalım, şövkətim, şanımmısan?

Müshəfim, Məkkəm, Mədinəm, qibləm, ərkanımmısan?

 

Sabir

 

Son bir il Məmləkətimiz və hər birimiz üçün olduqca əlamətdar bir dövr olmuşdur. Uzun illərin mənəvi məngənəsində olduğumuz Qarabağ əngəlində böyük dəyişikliklər baş vermiş, Qalib Ordu dərəcəsi qazanmış şanlı Silahlı Qüvvələrin özül-sübutuna möhür vurulmuşdur. Hər birimizin daxilində cücərti kimi qalmış bir qığılcım nəhayət ki, alovlandı və tariximizdə yeni bir pilləyə qədəm qoyduq! İndi bu mərtəbədə dayanmaq, möhkəmlənmək və növbəti pilləyə qalxmağa zəmin yaratmaq üzərində çalışmalıyıq.

 

Amma.....

 

Dünən kiçik bir məclisdə dost-tanış arasında oturub axşam çayı içirik. Lockdown-dan sonra ilk yığıncağımızdır. Sözsüz ki, söhbət əsasən müharibədən və bərpadan gedir. Hərə öz xəyallarını bölüşür. Söhbətin şirin yerində yeni bir üzvümüz olan və yarım il əvvəl köçüb gəlmiş yoldaş deyir ki, "Qarabağı pulnan aldılar, müharbə-zad boş şeydi." Elə bil ki, başımızdan qaynar su töküldü!!! Hamı ağzını açıb ona baxırdı......

 

Hardandır bizdə pula olan bu sitayış?!