Türkiyə, ataları eyni, anaları fərqli olan ögey qardaşdır - FİKİR

[+Rasim1982 313]

Belə baxanda, Rusiya ilə eyni yolu ilə gedirik. Ona baxırıq, onunla məsləhətləşirik, ona arxalanırıq.

 

Deyə bilərsiniz ki, arxalandığımız ölkə - qardaş Türkiyədir. C'mon! Türkiyə həmişə hazırkı iqtidarın şəxsi mənafeləri istiqamətində hərəkət edir. Hal hazırki iqtidara "tür-müsəlman-dünyası" işbirliyi sərf edir, ona görə də can-bratıq. Sabah iqtidar dəyişsə, istiqamət də radikal dəyişəcəkdir. Təcrübə ilə sabitdir.

 

Türkiyə, ataları eyni, anaları fərqli olan ögey qardaşdır. Kökümüz, dilimiz eyni, mədəniyyətimiz fərqli, heç vaxt bir olmamışıq, bir-birimizi anlamırıq.

 

Cənubumuzdakılər - körpəlikdə ayrılan əkiz parçamızdır. Əsasımız identik olsa da, yetişdirilən mühit fərqli. Genetik olaraq eyni, düşüncə tərzi bambaşqa. Dilimiz, mədəniyyətimiz, dinimiz eyni olsa da, düşəncə tərzimiz, adətlərimiz fərqli.

 

Rusiya, ögey anamızdır. 70 ildir bizi qucağında böyütdü, istədiyi kimi formalaşdırdı, qulağımızı doldurdu. Sonradan əslimizi öyrənsək də, bizi bəsləyən ögey anamızdan ayrıla bilmirik. Ayrıla bilmərik...

 

Buna görə də, Azərbaycanın siyasi addımlarına baxanda, bir gözünüz Rusiyada olsun. Onun siyasəti ilə paraleller çəkin. Azərbaycanın gələcəyi haqqında düşünəndə, Rusiyanın bu gününə baxıb, təsəvvür edin.

 

Ancaq qədim tarixə dayanan xəyallar, ancaq xəyal kimi qalar. Tarixin həm keçmiş həm də yaxınını nəzərə almaq lazımdır. Yaxının təsirinin daha canlı və daha güclü olduğunu nəzərə alaraq.